Kanskje skal ein ikkje legge ut statsløyndomar på denne måten, men pågangen etter desse kaken var så stor at eg satsar på å leggje dei ut her. Så får dei opprinnelege opphavsmennene/-kvinnene tilgje denne skjødeslause omgangen med godt bevarte løyndomar……

Mamma si kubbekake

Lag fyrst: Mandelkubbar

• 2 små egg
• 220 g sukker
• 220 g kveitemjøl
• 1 stor ts hjortetakksalt
• 55 g malte mandler

Visp egg og sukker godt saman. Tilset mandlane og mjølet med hjotetakksalt. Trill deigen ut i tynne stenger i langfingers lengde. (dette kan vere ganske klissete) Steik desse på ca 200 grader til dei er lys gule. Bruk bakepapir. Legg dei ikkje for tett, då dei hevar seg ganske mykje.

Så lagar du: Mokkasaus

• 5 eggeplommar
• 250 g sukker
• 250 g margarin
• 2 dl sterk, avkjølt kaffe (gjerne espresso)

Bland alt saman i ei gryte, og rør med tresleiv. Rør heile tida over svak varme til det tjuknar. (dette tar tid…) Pass på varmen så det ikkje kokar. For mykje varme gjer at egga klumpar seg. Blandinga skal ikkje vere tjukk som ein graut.

Fyll ei brødform med mandelkubbar. Hell den varme sausen over og press saman med ei skei. La dette stå til neste dag. Dypp forma ein augneblink i varmt vatn, løys rundt kanten med ein kniv og kvelv den over på eit serveringsfat. Pynt med krem.

Tone sin bærkrem

• 1/3 l kremfløte
• 1 pk vaniljekrem (kanskje 1/2 liter?)
• 1 pk pikekyss/marengs (200 – 250 g)
• 1 liter bær (rips eller bringebær er veldig godt)

Pisk kremen, knus marengsen og bland alt saman. FERDIG!!!