Måtte ha med eit bilete av denne løparen der eg fekk med dei fine tulipanane eg fekk til bursdagen også! Denne løparen er hekla på langs. Den andre på tvers.
Eg har vel hekla fem eller seks ulike dukar/løparar. Eg heklar med ulltråd og med fastmaskar. Løparen vert hekla i ring fyrst (slik som på slangen lenger nede på sida), og så klipper eg opp til slutt, syr eller heklar rundt kanten.
I år klarte eg å kome til 15 posar. Kalenderposane er hekla i ull, og her har eg brukt forskjellig restegarn, så raudfargane er ikkje heilt like… Av ein eller annan grunn likte borna pepperkakene minst like godt som å få små ting i posane. Trur det nok er eg som har forventningar om ein flott kalender og ikkje dei. Dei var like fornøgde, om ikkje meir, det året dei fekk kvar sin 10-kroners sjokoladekalender…..
Til siste barnedåpen strikka eg eit hav av desse serviettringane. Dei er tova i vaskemaskin, og pynta med ståltråd og perler. Her er eit lite utval.
Eit par bileter av mi GODT brukte veske. Strikka og tova.
Her er to variantar av dei lilla tøflene. Den eine med grøn kontrastfarge og den andre utan. Her har eg også brukt fritidsgarn.
Desse tøflene likte eg veldig godt. Dei vart dessverre litt “klumpete” etter tovinga. Einaste forklaringa eg kan kome opp med må være at den orange tråden sannsynlegvis har vore bleika før farging. Den oppførte seg iallefall heilt annleis enn tråden til dei lilla tøflene…
Helsar dykk alle med eit lite englekor…..
Dette skjørtet vart til i ei fart. Eg skulle på julefest med eldstejenta si klasse, og hadde lyst på eit “vinterskjørt”. To utslitte dongeribukser vart klipt opp, og ein og ein lapp sydd på. Her er nok mykje å ta tak i for ein som kan å sy. Ingen reglar er fulgt, og ingenting er beint og rett. Men, det er det beste skjørtet eg har hatt nokon gong:o)
Dette har eg også tova i vaskemaskin. Fargene har eg tatt frå ei Chili-nøste. Det var ein lillafarge der også, men eg klarte ikkje å finne mørk nok lilla… Teppet er strikka ei og ei rute, og sydd saman til slutt. Eg har brukt Pt3, Pt2 og fritidsgarn
Her er eit anna sengeteppe. Det har eg også tova i vaskemaskin. Her har eg også brukt Pt3. Pt2 og fritidsgarn. Fargekombinasjonn fann eg også her i eit chili-garn.
Høyrde ei andakt i dag om at Gud ikkje gjer forskjel på folk. Tenk om vi kunne seie det same om oss sjølve. Det er alt for lett å setje folk i bås. Lett er det, og ofte har eg eit sterkt behov for det også.
Fekk eingong ein faldar i posten om ein som snakka om diverse kristne saker. Eg vart sitjande å leite etter om det stod nokon plass kva kyrkjesamfunn han kom ifrå. Det stod ikkje der… Eg merka eg hadde problemer med å vite om eg skulle vere einig i det som stod der, berre fordi eg ikkje visste heilt kva bås eg skulle putte han i. Rart…
Kva spør du om når du møter nye menneske?
Kva dei driv med?
Korleis kan ein spørje om “kven er du?”, utan nødvendigvis å kople det til kva yrke ein har? Det er ikkje alltid like kjekt å svare; “nei, eg jobbar ikkje no… “
 | gunnhild on …ro meg over… |
 | Hjalmar on …ro meg over… |
| gunnhild on …ro meg over… |
| Hjalmar on …ro meg over… |
| gunnhild on …ro meg over… |
 | marit on …ro meg over… |
| marit on …ro meg over… |
